Talking Love

我對買數碼相機主要要求是:
慳電,唔會影影吓無電就慘,經常換電很煩;
鏡頭夠廣角,如果影景會容易點;
睇budget;
至於pixel,現在隻隻差不多啦…..

你講起意粉,我想起自己吃pizza要落好多茄汁上面,自己覺得零舍好味!

To dbdb,

Tks~~~~

貓貓從沒想過電的問題, 真的很多謝你的提點

嘻~~ 說起意粉, 貓貓較喜歡白汁底反而不喜歡茄汁(怕酸),

貓貓:

是緣我看中了一款數碼相機,deal前問問電玩幾耐,店員說,1.5小時,我便揀個另一款,有些情況,衰無電很慘!?

何來提點呢?

你買咗未呀？試吓搵部可以用普通2A(或3A)電池”口既”DC。驚冇電，呢種最實際。

我有部Sony係幾年前model，用兩支2A鹼性電池都影到二十張以上閃燈相(其實唔止，不過冇認真留意影到幾多。)，依家啲新款應該更加影得更多。

大牌子DC只要價錢差不多，其實主要功能都相差無幾。如果冇特殊要求，真係買邊款都差唔多。影人係多數人買相機”口既”主要原因之一，所以唔會有唔識影人象”口既”相機。

我啲朋友之中，用Panasonic Leica鏡頭系列”口既”，影啲相好似會sharp啲。唔知真係鏡頭正啲，定係嗰啲人技術好啲。

「辡」該是「辣」吧？^^
不過「辡」字是怎麼打的呢？

我上年去買dc, 也都唔識, sales間我要求, 我答佢婦女用途, 最緊要防手震, 个sales話, 小姐,部部都防gar wor…我話要無セfunction, easy control, cheap d…
end up brought one casio, on sales $1300, 因為剛出了那型號的advance, so my older model is way more cheaper…older model is like 1 year only..
香港地,也都出得快, on sale快. 用左一年, 我觉得ok…
是我弟一部dc…我对电器不嬲無認識..平平地ok…
我身邊朋友d意見好似無禁过份, 起媽講到which brand design better, more durable, more funcation..etc..and more cheaper..
maybe really is ur friend’s presentation problem wor..
my boss just gettin crazy,,,,,shit@@

講開數碼相機……除了可以用比菲林相機更少的代價影更多的相外，基本上一無是處。

我見過不少用數碼相機影出來的「相」﹝不是用電腦看，而是曬出來﹞，其質素比二次世界大戰的彩色相更差，簡直不堪入目。

對好多人來講，菲林相機的最大壞處，是不夠「方便」。數碼相機就不同，好「方便」，鐘意點影就點影，鐘意delete就delete，所以不會太細心，也不會在按快門前，花時間選最好的角度，左度右度，呢樣果樣，結果影出來的相愈來愈差。

一如電郵取代書信，因為太「方便」，不會精雕細琢，而是亂寫一通，時下年輕人的文筆因而愈來愈差，幾至不能書寫。

我仲用緊canon power shot s30, 300萬像﹝基本上你唔係曬大相要咁高ccd都係冇用，重手但多function，3x光學zoom加埋數碼10x，微距、好似冇防手震﹝我都冇手震﹞, compact flash card ﹝用1GB都可以放6, 7百張大相LU﹞，注意有d機會夜盲﹝LEICA好似係其中一部，唔sure有冇記錯﹞，anyway, 都可以校高d個ISO補救。

其實入門級真係部部差唔多，你個friend冇點你。「部部差唔多」同「唔知」真係有分別o架。除非你有叫佢比較吓某幾部機，如果唔係佢唔講亦不等於佢唔知o卦。又如果佢用親都係專業級，叫佢同你分析入門機種又真係考起呢。^^

To dbdb,

吓???? 1.5小時, 真係好唔掂

提醒別人要注意, 就已是提點 ^^

To amo,

貓貓仍未買, 因為身邊的家人、朋友紛紛出示他們的 DC, 加上看多了, 反而想要有攝錄功能, 可以說「推倒重來」

To 阿牛,

hahahaha 唔知

因為貓貓係用手寫板 hohohoho

謝謝你告訴我寫錯字 ^^

To 加菲貓,

通常貓貓不信 sales, 但會看看他們介紹

貓貓的要求很低, 就是不要太多無謂 function, 輕身

To 薯,

會用數碼就係因為方便及平宜, 若想用菲林相放上網, 好大工程….

你說的不無道理, 但數碼相機的確令攝影更普及尤其對於女孩來說, 妨且… 有冇心機影一張與寫一篇文章, 其實視乎個人的問題, 外在的工具影響不大… 貓貓認為

會想買數碼相機, 因為天氣漸冷, 怕隣居的老貓 (Calling) 過不了, 所以買數碼相機拍下牠的美態, 因此, 隨意影隨意 delete 其實亦有其價值

若有興趣看 Calling, 可以到 http://talkinglove.wordpress.com/2007/04/09/%e5%91%bd%e7%94%9f%e6%88%90/
貓貓將她的玉照放上其中一篇舊文

To 淘,

Tks~~~

這種答案就是貓貓想要

可能因為 A 先生自稱對相機很在行, 所以貓貓就預計他可以將每一部機（他曾擁有）都可大致分析

並不是同一位外行（初哥）的人說, 「視乎你的要求」, 話明初哥, 當然連要求、發問都不會

貓貓：

同意你的講法，數碼相機的確令影相更為普及。

但凡事有好有壞，數碼相機的壞處，是「助長」求其心態，一如電郵﹝包括icq及msn﹞取代書信，也令時下年輕人愈來愈不會寫字。

我是一個完美主義者﹝僅限於個別事情及能力範圍以內﹞，就算用數碼相機影相，都會左度右度，校對位置才按快門。但恐怕一般人不會這樣做，反正一張memory card可以影千幾張相，何必認真？但如果是菲林相機，就算再求其的人，也不會亂拍一通，對嗎？

回想電腦還未普及，要向遠方的朋友問好，除了長途電話外，只有書信。但寫信要時間，寄信又要時間，想到這些，落筆時自然較為謹慎，因為每一封信都代價不菲。我而家仍收藏著以前朋友寄給我的信，有數十封，每封信背後都有一個故事，也盛載著一段美好回憶，所以我珍而重之。反觀現在的e-mail呀，e-card呀，icq呀，msn呀，絕大部份都是言之無物，看完即棄，毫無保留價值。

是的，科技有好有壞，好處多不勝數，壞處如鳳毛麟爪，卻令人黯然神傷。

手寫版？佩服佩服。

To 薯,

….凡是有好亦有壞, 不要太悲觀吧

To 阿牛,

???? 佩服甚麼? 有甚麼值得佩服?

你出文（連回應）快又多，自問用手寫版做不到。

補充幾點。

如果多數影人，市面上有幾隻牌子DC係有人面對焦功能，影人會靚啲。暫時唔係個個牌子都有呢種功能，我記得Fuji同Nikon有，買嗰陣問吓店員有冇其他選擇。

如果影完就攞去晒，象數幾細都冇所謂。因為除非專登搵，否則市面上冇乜可能買到三百萬象以下”口既”新DC。但係如果要剪裁同局部放大，象數唔可以太少，買六、七百萬像以上會比較穩陣(其實好多入門機已經有800萬像)。

有聲攝錄功能絕大部份DC都有。唔想太似儍瓜，不如揀中型號之後旁敲側擊，問吓攝錄個掣點用。如果改買有影相功能”口既”DV就要留意影相像數，有啲低階啲”口既”DV影相像數會真係得二、三百萬像。

唔好太倚賴防手震功能。只係喺光線充足情況下(通常係戶外日間)，效果先有明顯改善。如果喺室內或者夜晚影相，因為曝光時間長，有防手震功能都會影到鬆郁矇，分別只係鬼影少啲而已。如果冇必要，唔好買太薄”口既”DC。因為太薄比較難”手查”穩。可以買個一百幾十蚊”口既”小型相機腳架，咁就算室內夜拍，只要有枱面都可以放得好穩陣。

To 阿牛,

多謝你的讚美……. 但自問沒有「快又多」

一星期兩萹, 回應一日一次… (貓貓很懶, 很多謝各位的捧場)

其實呢…. 貓貓不是用外置手寫版, 而是用 window 內的中文手寫系統 (software), 速度與感應較一般手寫版好, 方便很多

To amo,

多謝你的詳盡補充點, 真的好有用 ^^

其實到現時, 貓貓仍未清楚了解, 象數與相片質素的比較(比例), 所以要逐一問人取相片作比較, 加上象數高, 是否同容量有關?

手感方面, 亦認同你所說, 太薄身不好揸及穩（亦好難揸得耐）

現皆段, 貓貓從機身、重量着手先

幸好你告訴影相同攝錄的注要點, TKS!!!

我上星期先買左部DC – Canon PowerShot A720 IS ($2080). 係先達二樓既一間相機專門店. 其他 Canon model 都比大鋪平$300. 我貪佢夠全面同平. 不過 Canon IXUS 70就靚D. 如果你拍片多既話, 可以諗吓有光學Zoom + MPEG4既DC, e.g. Kodak. (http://www.kodak.com/eknec/PageQuerier.jhtml?pq-path=9/19/31&pq-locale=zh-tw_TW)

To Terry,

Tks!!! 會看看

Kodak 機都幾好揸手, 但沒人推介…

如果你將相片想象成一幅mosaic，咁石仔愈多(象素愈高)、顆粒愈細，砌出嚟幅畫就愈幼細、愈真實。無論你用邊種數碼相機，晒出嚟幅相同樣大小(假設印相部機完全複製相底每個色點)，如果有一千萬點(一千萬象素)，理論上係會比二、三百點(二、三百萬象素)細緻，起碼微粒都細啲。但係實際上如果只係晒3R、4R相咁細張相，肉眼唔係真係好好睇得出分別。如果你要晒大啲”口既”相(例如8R)，咁微粒都會同樣放大，大到咁上下，二、三百點嗰幅啲色點就會睇得出係一點點色粒，睇起嚟會比較粗糙，而一千萬點嗰幅因為微粒細，所以唔係好睇得出一點點色，仍然相當細緻。同樣道理，如果你想晒幅相”口既”局部，例如淨係要塊面，咁塊面可能只佔原來影象二分一，用本來二、三百萬象素”口既”相晒，就變成得返一百至百五萬象素左右，用本來一千萬象素相晒都重有五百萬象素剩；晒出嚟”口既”3R、4R相，前者就會相當粗糙，後者就會仍然好幼細。不過係家啲入門機閒閒地都有五、六百萬素(通常都有八百萬)，如果你唔係要將幅相好細部份放大，呢個已經唔係問題。

相片象素愈高，佔用記憶卡容量愈多。重有係儲存格式問題，如果有壓縮，就可以將個file壓細啲，但係畫質就冇咁靚，雜訊(下次講)亦會多啲。如果個file冇壓縮，咁就會好大。用同一張記憶咭，有壓縮同冇壓縮，儲存張數可以相差幾倍。例如一幅一千萬象”口既”相，無壓縮”口既”file(通常係RAW格式。以前只有pro-sumer級DC至有，依家就唔知。)大約有5MB大，用1G儲存咭儲存可以儲大約60幅；如用jpeg fine格式壓縮儲存，只有大約4.8MB大，同一張記憶咭可以儲存大約165幅；用壓縮得愈細”口既”儲存格式，儲存張數就更多，但係質素都亦都會每況愈下。有啲DC有內置記憶體，不過容量有限，只可以用嚟應急。多數DC會另外送張記憶咭，你覺得唔夠用可以另買。

至於要用嚟攝錄，理論上有電同記憶卡有空間就可以長錄。但係實際上攝錄耗電量好高，亦都會佔用好多記憶體。需唔需要因此買多張高容量記憶咭，可以問吓店員或者睇說明書(好多店舖買機會有bundle記憶咭折扣，所以要買記憶咭最好同時買，大約可以慳番幾十蚊。)。用DC攝錄其實只宜光線好充足”口既”場合，因為唔可以用內置閃燈補光，室內影通常好多雜訊，解象度都唔高。用掌上播放機或者電話睇猶可，接電視播真係幾難睇。

相片質素除象素”口既”關係，其實等於以前用菲林機一樣，菲林靚，影出嚟幅相咪靚啲囉。DC通常有唔同彩色模式，可以畀你揀色彩鮮艷啲或者自然啲，比用菲林方使好多。不過DC有另一個問題，就係雜訊。如果光線充足同者用低ISO，雜訊都會較少，可以後期修正改善。雜訊太多就唔補救得幾多嘞。

To amo,

嘩!!! 真的很多謝你的講解, 很詳盡

有問題, 何謂「雜訊」?

請問你有沒有不同象度的不同質素的照片? 以 4R 為標凖 （若有, 可 send 去 talkinglovecat@gmail.com）

有冇機可選擇不同儲存格式? 但jpeg 對貓貓來說已足夠。 upload 時間長, 又拍不多, 再靚也冇用, 加上, 只是一般拍照留念, 微粒不至於大到嚇人便可

Thanks again. you information is very useful for me. ^^

Sorry!隔咗咁多日先再搵你。你買咗機未？

好難搵有明顯雜訊”口既”照片(正常影相，冇理由專登影出好多雜訊出嚟。)。攪咗幾日，終於都係自己影咗幾幅出嚟，己經emai咗畀你，subject係四幅醜相。因為其中兩幅相片個file都幾大，4張加埋超過4MB，所以d/l會耐啲，可能會畀gmailf當垃圾郵件截咗。如果收唔到，email通知我再寄。

如果你未買，更正一下某啲資料。依家啲新出ＤＣ，由入門到普通級多數都係大約八百萬象，而較新或者高階啲先會過一千萬象。有少部份象素低過八百萬，可能係舊款。只要有齊你想要”口既”功能，如果平啲可以考慮吓。人面對焦同背景補光都有已經好普遍，除咗nikon、fuji，起碼重有panasonic同ricoh都有。我諗其他大牌子都會有，不過問清楚穩陣啲。

試機嗰陣，DC”口既”monitor應該睇到有方形括號括住對焦位，如果係人面對焦，個括號會括住塊面兩邊。人面對焦通常都應該可以對到多過一個人，所以如果影超過一個人，應該有多個一個對焦位。注意人面對焦數量有限制，人太多就唔會個個都對到。如果影”口既”人同鏡頭距離有遠有近，就算唔超過人數限制，都會有人塊面對唔到焦。

雖然話大部份DC功能其實都差不多，不過如果你想去游水或者想雨都可以影，可以考慮買防水DC。防水DC有啲淨係可以防到雨水或者偶然淋到水，唔可以浸；有啲就帶埋架機潛幾十呎水都得。防水方法都分機身防水同要另配防水盒。買嗰陣要問清楚。另外重有啲DC可以防撞，宣稱架幾呎跌落地都冇事。如果自覺非常論盡，或者架機會畀細路仔玩吓，都可以考慮。

如果budget高，可以考慮買比較高階”口既”DC(以前叫做Prosumer DC，依家唔知重有冇咁叫。)唔使咁驚，操作同DC一樣，都係自動為主。但係即使細機，都會厚過普通DC，比較好揸手，影相冇咁易鬆郁矇。貴啲”口既”連鏡頭都大支啲，影相亦都靚啲。但係最大優點係可以加裝外置閃燈。影相多雜訊最常見原因係唔夠光，室內普通燈光下影相就最易中招。內置閃燈通常唔係好夠光，主體遠啲或者闊啲都會影到(部份)陰陰暗暗，有背景光補償功能都補救唔到。外置閃燈唔使同DC爭電，光線充足好多，架DC都可以慳番啲電影多幾張相(有時DC唔夠電夾硬影，都會影得唔靚)。不過呢類機定價大約要$3500至＄4500，另外重要畀多一千幾百買閃燈，條數加埋可以買夠兩部DC。如果真係睇唔出分別，或者少喺室內影，就無謂買咁貴”口既”機。

To amo,

Thanks for your detail information.

真的很有用、很有用, 提點了買機的要點
因為, 貓貓當初連自己想要甚麼都唔知

慳了很多 research 時間, tks !!!

寄多兩張正常啲”口既”相畀你比較。兩幅相差不多有3MB，等非繁忙時間先d/l，否則會攪好耐。

前日嗰幾幅專登整到好多雜訊，都幾驚嚇，呢兩幅正常好多。

To amo,

Tks!!

這個星期將忙到跳舞, 可否留待下星期中再與你詳談?

真的很抱歉 =.=

你唔使我理我，我只係發牙痕。講開寄埋畀你睇啫。次次都寫咁長，我騷擾你至真。

有事email我。

To amo,

You are nice guy (girl). i’m so appreciate with your help. Just at this moment, im very busy until next week.

Please forgive me, after next week (busy day), I will spend more time.

Sorry about that. T_T

忙到中文都冇時間打？保重。

hey amo,

終於有個小休了, 先道個歉, 明天睡醒再詳看你的美照