website statistics
Talking Love » 白痴、無能的 Y 字頭
2nd Sep, 2013

白痴、無能的 Y 字頭

今天貓貓上自家的 yahoo blog, 見到一個好白痴的通告, 「Yahoo! Blog 要關門」。對於這個消息, 貓貓唔覺意外 。早前, 為了工作上的需要, 在 yahoo blog 開了個 account. 超失望, 冇想過 yahoo blog 原來係咁差、咁爛。 用了五個星期, 登了廿三篇便離開了

 

覺得 Yahoo是白痴係因為, 堂堂一個全球大的 web search engine, 多元化 website, 但連個 blog 的功能、作用都不能好好運用、發揮, 最後便草草關掉 (冇眼屎乾淨盲)。 今天是 yahoo blog, 明天是其他 functions, 後天便是 yahoo 成間公司

 

爛一 : 提供資料不足

一些網主需要的基本資料, 如訪客由甚麼途徑進來、用甚麼 keywords 搜尋, 曾click 入甚麼 link等… 這麼重要的資料卻沒有提供。 甚至連誰人曾到訪都唔知。令到網主都唔清楚讀者要乜、喜歡乜

 

爛二: 冇記錄系統

自己到過甚麼 blog, 留過甚麼言, 全無記錄往。 有時行過別人 blog, 留下兩條手毛、腳毛, 都沒法再返回那個 blog。 亦都不能帶其他 blogers 入自家 blog

 

爛三: 路路不通

Yahoo 出名多瓣數, 可為時事新聞、blog、 拍賣、知識等留言, 原來全部唔通, 似香港的醫管局, 彷似統一系統, 原來係院院各自為政, 不能藉其他渠道帶別人入自家 blog。 即在時事新聞留言, 只有新聞留言的記錄

 

爛四: 玩埋堆, 圈子窄

街外人 (即非 Yahoo member) 是不能留言。 乜年代? 仲玩 network barrier? 去 G 字頭的 blog 裡留言, 都不用登記

 

爛五: 不能落廣告

貓貓曾經寫信給他們, 要求接受別人登相關物品的廣告。 如旅遊 blog, 可接受酒店、旅行社、航空公司等相關產品。 答覆是 「Yahoo!BLOG分台為網友分享日常生活或心得等,作分享用途,並不能作出發表廣告用。若有不便之處,還請見諒。」啼笑皆非的答案

 

爛六: 冇 SEO

以為 yahoo 人多勢衆, yahoo blog 定必有助 SEO。哎喲 ! 原來係冇。 眼見那些甚麼十大 blog, 日日有成千上萬 clicks. 以為打 bloger 名或關鍵字 (keywords), 會找到那個 blog. 事實是不能的。 換句話說, Yahoo 是不能幫人增名氣, 不能衝出外面。

 

Yahoo 再不發掘自家的資源, 即使再花多多錢收購別人, 也於是無補

 


Responses

好多年前已經覺得佢個yahoo mail 唔掂,又睇下佢幾時執埋個email服務。

Yahoo 成間公司都命不久矣

y字頭再唔掂,最煞食都係--
佢依家仍然係全港最大拍賣網。
我有唔少出面好難搵”口既”嘢都係喺y字頭拍賣網買到,
僅次於ebay。
如果搵唔到”口既”嘢吓吓都搵ebay,運費會好禁計。
所以我一定死攬住y字頭。

即使如此,我都係要鏟佢。
y字頭拍賣,為咗防止信譽篤數,
如果買賣雙方超過交易,雙方信譽分數永久唔會增加。
假如經常喺好短時間多次互相好評,當然有可疑。
如果雙方隔相當時間再交易,咁增加信譽分數有乜問題?
設定加分期限咪得囉。
唔通要篤數會等三、五個月先篤一次?
我從來未賣過嘢,有幾十分都好夠用。
但係尐職業賣家,當然愈高分愈好。
有個賣家我幾年來幫襯咗幾次,
我寫完好評佢次次都冇得加分,真係激氣。
我搵佢買嘢咁多次,都係因為佢識揀貨,服務好,
佢高分啲,多啲生意,可以發大尐做,
我係買家都有好處。
多年來一直保持良好服務,都需要努力。
唔通唔值得獎勵?
賣家生意好成交多,y字頭冇好處?
正白癡!

除咗香港,y字頭喺日本拍賣佔有率都幾高。
起碼呢兩度,未必有咁易執。

>如果買賣雙方超過交易,雙方信譽分數永久唔會增加。

應該係:
「如果買賣雙方超過一次交易,
雙方信譽分數永久唔會增加。」

你唔講, 我都唔知 y 字頭拍賣網咁多制肘。我還以為香港人用淘寶為主。淘寶太麻煩, 我用不了

這亦是y 字頭命不久矣的原因。 多瓣數, 但全都是斬腳指避沙蟲。 沒有真真正正深入發展

話說回來, 若那個賣家如此正、有實力。應該要靠自己發展, 不可再靠 y 字頭

當初, 我們仍靠 ebay 賺外快時, 發現 ebay 條例過度限制。 分分鐘被玩謝, 血本無歸。 才開始著手搞 website

「賣家生意好成交多,y字頭冇好處?」… 其實佢冇乜好處, 賺得少, 仲要請成 team 人 stand by. 睇下幾時又關閉,要搵外判 😀

其實yahoo拍賣都算係咁,購物程序都算預暢。
最大缺點都只係喺評分呢點,做得又懶又蠢。
我未賣過嘢,唔知對賣方限制煩唔煩。
至於ebay係咪咁,我冇留意,
好似係隔一段合理時間會開放返畀買賣雙方加分。
因為好少成日幫襯同一個賣家,
有都耐到唔記得。
如果yahoo有乜事,
日本、台灣同香港拍賣都有條件賣出去。
不過就係怕同戶口連結”口既”個人資料會一齊畀埋買家,
而又唔知買家係乜嘢人。

香港都好多人用淘寶,主要係貪平同多嘢買。
不過買家用淘寶都煩到嘔,
我諗賣家就更加唔使講。
唔怪得淘寶代購都有生意,
如果再要去淘寶買嘢,都係搵可靠代理人代買,
畀錢人賺好過自己嘥時間。
我覺得啲老悶應該封咗淘寶個網,唔畀公司電腦上,
否則個個職員上淘寶買件嘢隨時用幾個鐘,重使做嘢?

你係咪用淘寶賣過哩?有”口既”話,
得閒寫返篇講吓你”口既”血淚史畀人家笑吓。

可能你要失望了, 我從沒喺淘寶買 / 賣過。 大陸的 website 常要求手機號碼驗證。 咁我喺邊死個 number 俾佢?

只係有次, 同某個blogger 討論網購, 佢大讚淘寶好, 所以看看淘寶有幾好。 嚇死我, 超難明, 買之前要看,「學習如何購物」(買都要學????)。 似乎有好多賣家, 但再睇真, 其實同一個, 只不過用不同名, 開幾個 account。又冇 description.

淘寶會賺到錢, 因為大陸同香港對網購要求低, 可接受收到貨不對辦、可接受冇退款。

早幾年, 好多大陸 website 賣機殻, 但已全部死哂。 其中一個賣 LV殻, 被人告 hahahahaha

我喺那個 blog 說「對淘寶冇興趣, 平的唔會買; 貴的更加唔會買」… 被反擊小小 T_T (煩死人)

其實我想學喺淘寶買嘢, 學多一樣冇壞

淘寶好似淨係喺大陸開戶先要電話號碼驗證。
我個戶口都冇驗證過喎。
不膪手續真係煩到冇朋友。
重有,啲網頁size非常大,成日load唔晒,
我第一次買嘢就係搵幾個鐘都搵唔到寫評價嗰頁出蒞,
攪到冇寫到;
第二次買嘢發現原來就喺確認收貨嗰頁下面,
但係都係來回幾次先發現,
重要load咗六、七次先完整寫到提交。
上第二啲網都唔會咁,
所以我成日懷疑佢係偷取緊我部機啲資料先會咁慢。
呢啲便宜都係唔好貪。

至於網購要求,我都唔覺特別低。
喺yahoo拍賣買過百幾次嘢,都冇撞過板,
從未買過嘢損壞、易壞,或者需要退貨、更換。
當然,我未買過啲高風險”口既”嘢,
例如有色隱形眼鏡
(冇視光師監察都有人敢買,真係佩服)、
成份不明”口既”藥物,冇咁易出事。
至於品質問題,香港人買嘢冇咁奄尖,
唔會有少少缺陷,功能冇問題或者
唔夠想像中好用都退貨。
理論上顧客咁奄尖,係會增力生產同零售成本,
令物價高漲--
不過成日上amazon格價,
有啲明明好好用”口既”貨品,
畀啲唔睇說明書又吹毛求疵”口既”人講到一文不值,
又話易壞,又話退咗貨賠咗錢,
點解美國咁多嘢平過香港好多?

昨天寫了一大篇回覆, 没有 save, 唔見咗 T_T

我唔喜歡淘寶的 site, 好多嘢、閃下閃下, 頭都暈

淘寶 load得慢, 因為佢太多嘢, 又冇用重新寫 program 去改善, 搞到 server 負荷重。 嚴重的成個 site 會 down. 所以淘寶用其他 site 如天貓去分流。 只係治標唔治本

其實我都唔明淘寶的 site 做得咁差, 都仲有咁多人用。 完全搲爆頭。 你用 amazon 都會明白我的意思

有時唔係件貨有問題, 係個客的問題。 例如; 顏色同相片唔同、覺得實物唔係咁靚、換顏色, 還有好多千奇百怪的原因要退貨、退錢。 我朋友賣泳衣便死了 (個 site)

好多人以為, 網上貨品應該會較平。 因為他們不懂新的開支

YAHOO客戶服務的業餘質素及草草了事的處理手法,對YAHOO失望。YAHOO回覆見底,本人回覆見下:

梁玲琇

明白YAHOO此舉為保持拍賣場品質,但是否應該先了解本人情況╱作出警告?而非莽自全數取消本人之評級及申請?

“禁止用戶即買即評來增加評價,如果用戶以欺騙手法提升自己的評估”

本人所售賣貨品均為正品,買家均是朋友及其長期擁有之合法戶口,是否一個開放的拍賣平台,就連朋友有意購買本人產品及即拍的行為亦不容許?拍賣平台是否只予以陌生人?

若本人此舉目的為欺騙更多買家信任,根據梁玲琇 之邏輯,本人應會不間斷設立1元拍賣及進行此舉。但本人於達到5級評級后,便主動聯絡YAHOO,旨在能盡快運用此平台正式宣傳及提出申請,並無欺騙意圖。

更何況,本人每次均立刻付款予YAHOO,YAHOO收取本人金額,應開放拍賣平台及想辦法幫助客戶。而非於客戶提出查詢及申請時,不但不予以幫助,更甚是不明究竟直接處罰客戶,此舉是絕對業餘的客服行為,梁玲琇之行為實令本人對YAHOO的形象及客服質素深感失望﹗希望YAHOO跟進,因本人付費及花時間後,得不到任何協助,相反是草草了事的客服員對付﹗

另外,早於此舉前,本人配偶亦嘗試用其另一合法之YAHOO戶口,打算進行宣傳及拍賣。該戶口評級為11,最近2星期有付款紀錄及已加入拍賣超過兩年。理應合乎以下要求,但仍無法申請首頁曝光等宣傳,即使已再付款拍賣仍指該戶口INACTIVE,亦聯絡不到客服。YAHOO所謂要合乎的制度及系統不配合實令人萬分費解﹗即使是願意付款的客戶亦感失望。

因YAHOO系統之不完善,本人既要放棄舊有建立的戶口,亦要重新申請戶口,過程中引申的費用本人均付妥YAHOO。亦絕無欺騙的意圖。

我認為本人之付出應得到更專業更合情合理的處理。包括歸還本人之評級,以及開通本人首頁曝光等宣傳申請。

否則,本人會進行徹底的投訴,因歸根究底開題出於YAHOO系統之不完善,以及業餘客服梁玲琇之低質素處理。

若要舊有戶口之資料,本人可隨時提供以作証明。亦歡迎查詢本人往後還有否即拍即賣行為。若YAHOO有如GOOGLE系統等取消舊有帳戶/合併現有帳戶等完善及合時的功能,請告知本人申請。

如果本人在24小時內都沒有接到你合理的回覆,就會假設你有被投訴的問題。

YAHOO 拍賣客戶

“多謝您的來信。

關於您就申請首頁曝光的查詢,在此與您說明,為保障宣傳廣告有一定曝光,如欲購買「首頁曝光」、「分類曝光」或無限量使用「優先排序」等廣告,賣家需要符合以下資格並向我們申請:

信用評級等於5或以上
加入Yahoo!拍賣60天或以上
最近6個月有拍賣付款紀錄

此外,我們已收到您的申請,但由於您的帳戶未能符合以下Yahoo拍賣宣傳廣告的申請資格,我們暫未能夠通過是次申請,您可以稍待下列條件符合後再次提出申請。

信用評級等於5或以上

提提您:根據Yahoo拍賣的政策及規則,禁止用戶即買即評來增加評價,如果用戶以欺騙手法提升自己的評估,無論是以任何形式,一律禁止。

由於您帳戶評價中全是即買即評的不實評價,因此,我們已經將您帳戶內不實的評價移除,目前閣下的信用評級為「0」。

同時,我們亦禁止用戶有哄抬評價的情況,如果您再次違反,您的帳戶將會被永久凍結,敬請留意。”

Hi lafaye611,

新年快樂!!

我絕對明白你的憤怒! 自己苦心經營的網上生意 (網上店), 當開始有些聲譽, 有些名氣時

卻被一個或一班無能的廢柴, 在有佢講、冇你講的情況下一野打沉。真係爆幾多句粗口, 都難以洩憤

其實 yahoo 所指「即買即評的不實評價」, 其實好矛盾。 難道要別人係幾年後才落評語?

用另一個方向想, 可能是一個好機會, 不用倚靠無能廢柴 yahoo, 靠自己做個 website

Good Luck, God Bless You!!


Leave a response

Your response:


Categories