website statistics
Talking Love » 再見亦是朋友
20th Dec, 2013

再見亦是朋友

貓貓知道有些前情侶, 可以做到「再見亦是朋友」這關係。 但自問實在沒有這個氣量。


有次, 上朋友 A 小姐家參加生日會。 看見夀星女可以很自然地同前度, 還有他的老婆有講有笑、談天說地, 氣氛融洽。 貓貓為之側目, 完全白思不得其解。 尤其老婆的角色。


後來 A 小姐理所當然說「我同所有的前度, 都是再見亦是朋友! 」 接着, 她從手機顯示了一張, BB 剛出生的第一張一家三口相。貓貓認得是她的前 N 度


貓貓不能「再見亦是朋友」, 是因為我沒有氣量? 還是 A 小姐其實沒有擺放心機、真感情、真心的愛於每一段情? 仰或她的每段情, 都似玩煮飯仔 (台灣稱扮家家酒)?



Responses

聖誕前睇咗,諗住聖誕先留言,順便祝你聖誕快樂,
點知唔記得咗。
依家補祝你新年快樂!

我覺得分手之後可唔可以做朋友,
都要睇喺咩情況下分手。
如果大家只係覺得性格不合而協議分手;
或者只係感情轉淡,雙方漸漸少來往,感情無疾而終,
咁應該關係唔會變得好惡劣。
相方相愛過,點都有啲互相欣賞”口既”優點,
又唔係變成仇人,點解唔可以做朋友?
不過香港人多數冇咁成熟,有問題未必會出聲。
就算發現性格不合,都死磨爛磨唔肯分手。
有時一方發現有問題想討論,
另一方會覺得被掟冇面,發晒爛渣,
務求反客為主,自己先掟對方先可以挽回面子。
或者一方發現唔可以相處落去,
但係當對方係水泡,騎牛搵馬,
搵到新歡先同舊愛提出分手。
咁樣分手多數反目成仇,想再做朋友都好難。

但係如果其中一方欺詐,例如想騙財騙色、不忠,
或者被揭發有惡習,咁想分手,以後互相躲避,
想做朋友都好難。

你位朋友可以同前度保持良好關係,一定好識同人相處。

你好!第一次在此留言
我係睇左你7年前的一篇叫趙完鬆的文章而找到來這裡
以下是用廣東話表達
其實再見亦是朋友真係可以有
一年前,我同前度分左手
都冇翻撻,只係呢一年幾裡面,我每星期都會去佢屋企一次
冇諗到仲同佢阿媽成為左朋友
最初我對佢都係面左左,完全唔想見到佢
後來到左依家,好自然就走響佢身邊
你可以話我曬命

Hi amo,

祝你新年快樂、身體健康

很抱歉, 遲了很多才覆, 因為一到年尾都會去了旅行。 今次去了日本, 稍後會寫一篇 ^^

你説的例子都對。 不在惡劣情況下分手, 關係都唔會差。

可能, 我每次分手, 大家都是處於磨爛蓆的狀態, 直至某方出現新對象才告終

下次有空寫寫分手篇

Neko, 你好!

祝你新年快樂、身體健康。 經你一提。 原來我已寫了這麼多年了。 在趙完鬆的文章, 那些孩子都已經是中如、小學生。 希望他們沒有悟入歧途

其實你都好奇怪, 分手了, 卻又每星期都會去她家一次。 不過, 可以肯定, 你們不在非常惡劣情況下分手, 否則又怎去她家!?

有空請常上來坐坐 ^^

去日本?你一定滿載而歸啦~
期待你寫分手。(唔係次次都大大劑吖嗎?)

Hey amo,

新年快樂!

去日本?沒有滿載而歸, 只有一肚火的經驗

分手唔係次次都大大劑, 只是次次平淡得得人驚

咁分手就算冇炒大鑊,都唔使專登扮friend”口既”。
真係傾得埋咪繼續做朋友,傾唔埋咪唔好見囉。

做乜一肚氣?開下篇睇睇先。

暗示、明示、表白要一年半載, 分手卻是數秒

這是某電影的旁白, 卻是我的寫照


Leave a response

Your response:


Categories