website statistics
Talking Love » 日本之旅
11th Feb, 2014

日本之旅

其實這篇文章, 打算在新年前完成。可惜懶又一天, 懶又一天….. 最後變成懶了很多天


寫這篇並不是要記錄或分享自己的旅行 (其實好無聊, 那有人有興趣別人的旅行)。 只是希望提供一些旅遊書沒說明的情報, 給將去日本自由行的朋友


N’EX 機場快綫

當大家到達日本機場 (成田或羽田), 都會立即買N’EX 的來回票。 去程是沒問題, 但回程是要辦手續。 因為那不是回程車票, 只是換車票劵 (當發現時, 真係要講一句 – X 你老母)


解決方法:

在回港前的一至兩天前, 到JR東日本旅行服務中心 (東京、新宿、池袋), 用換車票劵兌換回程車票。 最好見到就換, 因為他們有假期, 晚上八、九時就關門


請記住這點, 我 – 貓貓眼見很多人 (港人、國語人、英文人、韓文人、歐洲話人) 中招, 包括我自己


請勿日本新年到日本 (一月一、二號)

日本雖先進、文明, 但好多公司、食肆都會係一月一、二號關門或晚上六時關門。 以為有好多穿和服者, 對不起, 只有老人家才會穿和服去街。 除非閣下去廟宇


福袋

對遊客而言, 吸引度唔大。 除非好喜歡、好清楚某牌子, 否則可免


築地

所有人從築地站 (有浮世繪的通道) 出到地面, 都會塞住睇地圖仲要係唔明。 所以在這裡簡單說明一下。


當出到地面, 面向地圖, 向左手邊方向行幾歩, 路口位轉入, 經過好似上落貨區, 再繼續直行, 就會見專食魚生的食肆, 約中午一時就截人


當出到地面, 面向地圖, 向右手邊方向行, 沿住馬路, 就會見到好多當地人在街邊食麵, 那就是築地的外圍食肆。 對魚生興趣不大的人, 或過了中午的人可到這裡吃。


由魚市場入, 見到 /沿住去汐溜的路牌方向行, 都可以到外圍食肆, 其實係一個大圈


聞說築地魚市場在 2016年就會搬去離市區好遠的地方


汐溜的NHK電視台
去完築地魚市場, 返回築地站的地圖, 面向地圖, 向左手邊方向行沿住大馬路, 見到商業大廈, 那裡的NHK電視台有宮崎駿為NHK設計的大鐘。記得要係 55 分到達, 時鐘表演開始啓動為 58 分, 正點完。


橫濱

有火車從池袋、新宿直接到橫濱約30-40 分鐘。請記住, 拉麵館同杯麵館係兩處完全唔同方向的地方, 去到橫濱站要轉車。尤其杯麵館, 約四點就截人, 不可自製杯麵。


希望以上資料幫到大家



Responses

呢尐係你一肚氣”口既”理由?

Hi amo,
那個換車票劵仲唔夠咁? 預好時間,入閘上車, 最後一刻才被告之要到某地方換車票。 好狼狽地推着大件、細件行理在人流穿插

加上你都知日本人, 服務業慢到爆。 對每個人講一大輪敬語。

去旅行尤其自遊行都預了有些阻滯, 但絕不能因為那些繁(煩)複的無謂的手續, 阻礙旅客登飛機

即使要發換車票劵, 都請用英文明確寫清, 在登車前24小時, 到某地換車票


Leave a response

Your response:


Categories