Talking Love

很勁也很同意, 我沒有耐心去唯持網上生意, 所以都放棄了做e-biz, 都係專注自己本業比較好. 不專注的話, 做哪一行都賺得不夠去唯生, 每一行只有做得最好的那幾個巴仙的行家賺了80%以上的利潤

我是嚴重technical的人,比較難明些少business的東西~不過上面幾點都同意的.

海外這個,我記得有朋友買東西(例如美國或者歐洲)都自己買家食運費,特別是現在shipping都不行,要空運過來.他們話好像那個海盜水域問題…(汗)
蝕底這個,我印象中拍賣費好像是幾元而已…
第三個利益問題,真是問來都多餘…就算死黨,麻煩到別人多了,不請食幾次飯局或者還人情…親戚/死黨真是買少見少,沒人幫你la.

網上生意這種東西,目前我都不太深入研究過. 腳踏實地穩陣d好.(目前idea XD)

ps: 從沒做過拍賣這種事的.
PS2: 貓貓還記得我要去喝喜酒嗎? 就是昨天了,我連請帖都帶去了,真是穩陣都不行了XD (下次不帶 = =)

To 西門,

很認同「不專注的話, 做哪一行都賺得不夠去唯生」… 因為貓貓仍是量地官, 才有時間上網找資料及保持寄件服務… 當做 part-time job^^

To skyx,

很老實, 以現時來說, 獨沽一味的才能, 會被社會淘汰

其實呢… 香港是有很多商機, 不過大多數人, 面向內, 用自己的角度看世界, 不懂運用得天獨厚的資源

貓貓想你那個朋友是做大貨, 同我們做這些蝦毛買賣不能相題並論

就係可以用幾元, 賺取買家的 perception

再仔細分柝這個利益問題, 這個不是單單的利益, 而是動力問題。以正路利益問題, 貓貓只需付車馬費便可解决, 但仍冇人幫。 原因就是資不抵債。如果動力夠, 冇錢都做。 所以貓貓唔覺冇人幫 ^^

在香港搞網上生意, 若不是塘水滾塘魚, 絕有大有可為。 在貓貓眼中, 香港拍賣網是一個很好的廣告平台, 若慬得利用

記得, 貓貓仲主張, 禮到人唔到, 費時花時間, enjoy 嗎?

PS. 現在的禮金公價幾多?

人老了, 思想也改變了, 以往總是希望自己樣樣試做超人, 我和朋友談生意經的時候, 他們很多時不明白我為什麼有利潤的生意也不願去做, 原因就是我看見發展潛力不大, 大費周章一輪為了微利消耗大量時間精力, 倒不如再等待機會. 當然, 如果自己沒有其他技能沒收入就另作別論, 我的意思是如果你本身每天花4小時賺1000元, 沒有什麼理由再接受一份再花你另外4小時但只賺100元的工作.

在澳門…IT本來就很少人…而且我相信有實力的人終會等到機會發揮的. 所以專於IT類型的技能，當然IT範圍很大(例如db,language,system support)，所以我不覺得是獨沽一味。另外目前也算是比較幸運,有一些business skill學習下…所以都算在”挖金” XD

禮金給了500…人到了. 不過感覺圍數很少…聽說6000元/圍. 500 元*12 算是打個平手. 公價不清楚…- -”

西門所說的那個類似性價比呢…(錢時比XD)

To 西門,

….. 都對的….

怎都好, 只要對過去的任何決定, 沒有後悔或改變初衷, 便 OK。 別人的意見睇法是別人, 理他的

若是貓貓, 只要不會影响現時的生活水準。 貓貓會放棄4小時賺1000元而接受4小時賺100元的工作。 只要那份工令我開心

To skyx,

….. 都對的….

唔知呢 … 貓貓眼見男友仔係 IT 人, 但都修讀 double degree (IT＆International Business), 而現在準備修讀 Accounting。因為他說, 做一個 website 唔難, 問題是怎用 website 打入別人的巿場。 對我來說, 不要我讀個 MBA 就OK了

挖金… 我只想搵搵 pocket money 咋

仍是$500…以為現在高一點

對, 我不在乎別人對我的看法, 我最初想和朋友解釋為何我不go ahead with佢講那個費時失事的生意計劃是因為本來我們是想想有什麼生意一起搞, 我說那樣的project我沒興趣了, 叫他自己搞吧, 他硬要追問我為什麼不和他搞ma. 其實分野的原因是我和我的朋友對時間的價值觀不同, for example, 我和他都懂電腦, 但他會花大半天自己去install windows, 但我寧可花錢叫人幫我搞, 就算我自己都識, 因為我的大半天可以賺十倍以上的, 即是我叫別人做, 我還剩下9個大半天去睡覺偷懶丫!

現在我主要做的是system support類型,面向internal user, 背向vendor,擔當橋樑的工作. 前者跟user 溝通(有business logic),後者就比較technical.

寫website只能當是興趣而已吧…指static的website…現在website都要做dynamic ,又要有可擴展性,document又要寫很多份…最慘是user 五時花六時變…做死developer.

而website點打入市場,那要看定位了,你看facebook/twitter那些都是web 2.0的. 重點其實是中國市場很跟風…鬼佬興起了會立即跟…(抄考大國XD,簡稱山寨.)

Accounting沒basic skill 能學嗎!?

To Skyx,

很同意你說現在的客會做死developer, 所以我早兩個月已經執左我間web design公司, 免得傷神

To 西門,

道不同不相為謀而已

唔緊要, 發展另外

To skyx,

理論上, 貓貓也不清楚, 只知他做 IT 的 Business Analyst: analysis, organizes , testing…. 聽完都一頭霧水

貓貓從不用 facebook/twitter, 直接到 forum 睇交換情報

大陸跟都冇用, 常被人當笑柄。事實很多鬼佬很抗拒雜嘜貨。 他們寧願付多小小於 chain store 買。

他讀 double degree (IT＆International Business), 當然有Accounting 的 basic skill。

不過唔會讀 Accounting degree 了, 應該會讀類似 IVE 的 Accounting, 聞說因為那些老師會一個step, 一個step 教, 慳了自己睇書兼課程實用。

而家入Accounting 仲有境咩?

To 西門,

1. 唔係香港, 鬼佬唔識計數
2. 學多樣無妨, 可能日後有用

要有境才做, 機會到來便遲了

我有個朋友係一間澳洲公司做, 而家好多公司都cut budget, 所以就outsource左整個accounting出去, 呢間公司就係接呢d outsource job, 好似都做得唔錯架, 不過以我個人既睇法, 佢地唔會做得大, 因為始終人工貴, 爭到最後都係唔夠印度果d玩. 當然, 我講既係以老細既角度, 打工既話冇所謂, 東家唔打打西家. 而家香港人多數唔係校外進修accounting, 而係law, 我都唔明點解.

To 西門,

你朋友的 case 唔明, 所以唔識答

至於香港人唔係校外進修accounting的問題, 貓貓認為
1. 稅制簡單
2. 現在有電子報稅, 只要資料齊全, 便不會太複雜
3. Accounting 流動性低兼需求少

若香港行消售稅, account 又會缺人了

至於 law 多人讀
1. 香港學生的強項 – 背書
2. 出路多, 讀 law 不一定要上庭辨護, 可以做做 consultant

係香港, 做Accountant 要做到合顆人先至叫做搵到錢, 但升到上去既好少. 至於law, 因為就算冇degree都讀到, 所以而家已經搞到cheap晒, 唉, 而家四師得醫生叫做最賺錢, 不過係我衰, 唔應該用錢去衡量既

我未試過喺網上拍賣賣嘢，
但係我覺得香港人拍賣唔鐘意寄外國都無可厚非。
寄單件去外國，郵費其實好貴，分分鐘貴過貨價好多。
賣方為咗保障自己，多數會叫個客起碼寄空郵，
重要買保險。
啲客問到價錢，通常都縮沙。
客問又唔可以唔答，答咗冇生意做，真係自己攞嚟煩。
更何況遇到欺詐或爭拗，會好難處理。

香港今非昔比。有幾多嘢係第二度買唔到，
淨係香港至有，令外國人寧可畀高昂郵費都要買？
拍賣寄去外國？算數啦！

其實唔只香港，
台灣、日本拍賣都有好多貨主唔願意賣貨品到外地。
日本都有個以台灣人為主要對象嘅樂天網。
不過除咗郵費超貴，重要每單唔可以超過五件；
除咗每單手續費之外，每件貨品重要另收￥3,500。
買多幾件，就貴過親自去日本買然後帶返嚟。
你話點買得落手？
樂天網係日本最大零售網站之一。
因為本土郵費非常平，派遞又好安全，
郵寄貨品絶對唔係問題。
但係一賣出國，就會畀郵費同手續費玩死。
我唔知嗰個網站生意好唔好，不過就唔信會得囉。

很贊同amo, 如果閣下不是在中國大陸玩陶寶網, 日本玩樂天, 美國玩ebay, 網上生意只會是餓你唔死, 食你唔飽既生意仔, 學阿cat咁搵零用都ok, 但你諗住靠佢開飯, 你真係要好叻先得囉. 未來呢個世界做正行錢愈來愈難搵. 所以香港先咁多女仔做援交

To amo,

首先 謝謝你的介紹, 對貓貓而言, 這個網超正。 Thanks again.

其實郵費覺得貴, 因為香港人少寄嘢 (可能唔寄)。 但若對這個鄉下地方的人而言, 郵寄係好平常, 往往由香港寄來的郵費 = 這裡 A 省到 B 省(national post)

如果怕郵費貴嚇走人, 就增加賣價, 以減低郵費。 若有怕嚇走本地客的想法, 這種船頭驚賊、船尾驚鬼的人, 奉勸一句, 唔啱玩了

若想做一個 pro 的 seller, 就要提供更多 info, 做到與別不同。

香港絕不是今非昔比, 只是人們不懂利用。 以你給我的網站為例, 外星人便買唔到了, right?

To 西門,

貓貓喜歡玩網上生意, 因為好玩 (其實不自由挺困身)。 成敗全賴自己, 與外來因素租金、人事無關。

告訴你們一件事實, 早幾個月, 貓貓賣一個好 popular 的商品, 因為來貨同其他同行差不多, 所以都很無瘾。 直至貓貓加賣一個, 人人以為是勁蝕本的豬腩肉, 最終以五日內賣了三十多件。雖蝕了來價 $2, 但賺了近 double 的利潤兼多個回頭客 ^^ 不過如西門所言「餓你唔死, 食你唔飽」

很老實, 行行都難搵食, 做援交的吃香的還不是初初幾年?